تضيق بي الدنيا بكبرها من معابيس الوجيه
وهذاك لامنه تبسم شفت للدنيا طرف
مني والي احببته, وهو حبني منه واليه
من غير لانا اعترف ومن غير لاهو يعترف
ليه آتحاكا و كل بوي يعرف غاية كل بيه
ليا فرح افرح ودمعه لاذرف دمعي ذرف
اغليه يعني اعشقه اعشقه يعني اموت فيه
يعني انا ميت مع عشقه ومرتبة الشرف
ميت و يعشق و السبب ما فيه داعي اني احكيه
الغيد في الدنيا هواه وهو لحاله محترف
الشامخ اللي لا أقبل و حضن يديني في يديه
تراعدت فرايصه بالغنج و تساقط ترف
امشي معه من غير لا أين و لا كيف وليه
من حيث ما يجرفني أغمض عيوني و انجرف
إن قال لا, اقول لا, ان قال ايه , اقول ايه
ماعرف ما اسمع ما ارى, ما ارى ما اسمع ماعرف
اللي اعرفه اني ابيه ايتجمل بي و ابيه
و كان العدل في صدته سجلني اكبر منحرف
يغفر لي الله و الله يديمه و يرحم والديه
علمني إن البعد نكسة حال و الصده قرف
إنجلش يو ونت؟ ول توك إنجلش
لو أنا في الإنجلش نَتْ ذات قود
بس أحب أنّي أشوفك منتعش
إتس ريلي نايس وإنته إن قود مود
يالغلا آي وش وإنته لي .. يووِش
إنتبـادل فـي الهــوى طيـب الورود
بَتْ يا عمري أنا اللي مندهش
يو نيفر أبروف لي قلبك ودود
جف مي الفيلينج وفي قلبـك أدش
فار أوي مرتاح من عين الحسود
إيه نعم إت سيمز لي فيـك أبتلش
وإن أباك كلوز تبديلي الصدود
هاو تباني سمايل في وجهك وأبش
وإنتْ جوّك بالجفا دايم يسود
أف يو وآنا سيه للعشرة فنش
ويل فينيش بَت كيـف نسيان الوعود !!
لاتكبر الموضوع مايحتاي تقنعني
مافي داعي يلوم الواحد الثاني
ماعدت انا انفعك لاماعدت تنفعني
أفضَل ابقى بعيد عنك .. وحداني
حاولت أجارى شعورك خفت تخدعني
قلبي دليلي وقلبي منك نجاني
ودي اعترف لك واريدك بس تسمعني
لاتقول كنا.. وكان .. وكنت تهواني
قلب وهبته لقلبك صاح: رجعني
حريتي بك .. وفيه اشوف سجاني
اهواك واهواك مدري من بها تعني
كم واحد قد سمعها قبل تلقاني
كانك تحبني حقيقة وصدق .. ودعني
وانسى زماني وانا انسى منك ماجاني
تكفيني اعذار تكفى لا تلوعني
كلهن دمعتين .. اذرفهن .. وتنساني
الصراحة ماهو انت الي هويت
والحقيقة راحتي ماهي معاك
لاتعاتبني اذا رحت ونسيت
ولاتذكرني اذا قلبي نساك
ادري انك في هوايه ماجنيت
وادري انك مخلص لي في هواك
ادري انك ماقصرت في حقي ووفيت
بس قلبي ماخفق لحظة جداك
ماقويت اخضع لشعورك ماقويت
لا ولاحتى ابادلك بعطاك
ولي تمثلت السعادة وارتضيت
يصرخ الخافق في يوفي مااباك
في ودادك ماذكرت اني اهتنيت
وفي حضنك هاجسي يسرح هناك
رغم كل الحب اعذرني سهيت
انتظر لحظة تبين لي جفاك
غصب عني ياهوى عكسك مشيت
لي طرى طاريك او قرب لقاك
السموحة كان في حقك خطيت
والسموحة لو تسببت بعناك
والحقيقة ماهو انت الي هويت
والصراحة راحتي ماهي بمعاك
نال الشرف لاقالوا اني حبيبه
نال الفخر لاقالوا احبيبّ فلان
ماكان يحلم ليلة ابقى نصيبه
ماكنت انا احلم نصبح بيوم خلاّن
ياما تمنى اني ابقى قريبه
يقهر بي العذال فلتان وعلان
مايحمد الله يوم مثلي رضي به
مايحمد الله يعشقه مثلي انسان
ياما نصحوني قالوا وشّوا تبيبه
لاشك اكابر وانكر اني فيه هيمان
واليوم من دونه حياتي صعيبه
فاز بخفوقي واصبح اليوم سلطان
ادمح واسمح غلطته وارتجي به
يرضى يسامحني وانا ماني غلطان
ياما تمنيت اني يوم اختلي به
من شان ابيّن له احاسيس وجدان
عفت الملا واشوف حالي عطيبه
واثر الزمن من دونه وفيه سيان
لاشك هذا خلي وانا حبيبه
لعيونه اصبر لو يقولون خوّان
خسرتك ماخسرت العمر .. والدنيا متاع
وادري اني لو خسرتك ماخسرت .. الا قليل
بس فكّر زين .. تعرف من خسر فينا وضاع
وتعرف انك لو تلف الارض .. وتدوّر بديل
والله ان تبطي .. ولو لفّيت في كل البقاع
ولو تسوّي وش تسوّي ماانت لاقي لي مثيل
وين تلقى مثل شخصي شخص .. واطباعي طباع
ووين تلقى مثل قلبي قلب .. او مثلي خليل
البشر واجد .. نعم .. لكّن فرق الانطباع
يجعلك يمي تميل .. ويم غيري ماتميل
يارفيقي .. انتبه .. واحسن اليّ الاستماع
للمواقف دور في كشف المزيّف .. والاصيل
وانت ماقصرت فيني موقفك .. جدا شجاع
طعنتك في الظهر فعلا كانت اثبات ودليل
بيضّ الله وجهك اللي ساتره تحت القناع
ورايتك بيضا معاي وياعسى عمرك طويل
يعني اعطيك الثقة وتردها ب ((لوي)) الذراع
ياخي ماشاالله عليك ابدعت في رد الجميل
مدري كيف اشكرك مدري كيف ارد الصاع صاع
كنت احسب انك عزيز النفس .. تطلع لي ذليل
كم وانا عييّت اصدق فيك قدر المستطاع
من غبائي كنت اسكت واعذرك .. واثر الحصيل:
جرح قلبٍ .. ميزته في كل يوم الاتساع
ودمع عينٍ ينهمر من ضيقتي .. في كل ليل
والله اني كنت احبك حب .. واتبعك اتباع
كنت لاجل ارضي غرورك بس اسوي المستحيل
كنت اعمى فيك .. لا لا .. كنت ميت للنخاع
كنت مدري كيف؟ لكن كنت صادق معك حيل
كنت امارس في غرامي لك سياسة الانصياع
وكنت لاغي معك فكرة اعتزل او استقيل
اندفعت بكل مافيني .. وسوء الاندفاع
يجبر الانسان احيانا .. يفكر بالرحيل
صدمتي فيك انت .. خلتني افكر باقتناع
ان قتل النفس راحة لو انا كنت القتيل
انفجر راسي من التفكير .. وازداد الصداع
كيف انا بفتك من جرحك ودوشة قال قيل
صرت سيرة في حلوق الناس .. وتالي هالضياع
انتحر؟ معقول! يالله وش هذا الغليل؟
رحمتك يارب لامن ضاقت امنحني وساع
انت حسبي في الزمان الجاير ونعم الوكيل
لاغدى مستقبلي والماضي .. اطراف النزاع
وصفحة الماضي سواد وشي من هذا القبيل
فلازم انسى لجل انهي بداخلي هذا الصراع
ولازم اتقوى .. عشان احقق النصر الجليل
وطالما ان الهجوم افضل وسيلة للدفاع
مستحيل ارضخ لو ان الحمل ياربعي ثقيل
والبخيل اللي نساني واشترى فيني .. وباع
يذلف .. الله لايرده .. والله بجرحي كفيل
وان سأل عني وجاكم بعد فترة انقطاع
علموه اني نسيته بس اني ماني بخيل
طالما كان السبب في قوتي .. قبل الوداع
بلغوه اقل شي بخالص الشكر الجزيل
